O fío poético (Doarquivo_10, día trintaseis)

O FÍO POÉTICO (Ou a peor escolma vangardista recollida ata o momento)
Versión pirateada.



TRACK 1. SONATA MARÍTIMA (ft. Laura Sanmartín)
O ruxe ruxe dun océano en calma
Adurmiña os nosos pensamentos
Cantando melodías que
Tempo atrás
lle ensinaron as sereas.
E di así:
“Banana eo!
Banana eo!
Banana eo eo
Banana eo!”
O océano
Semella ter aires do Caribe

TRACK 2. MAZARELOS EN BENIDORM
Os vellos muros da cidade
Tamén queren xubilarse.
Mais os novos non aproban 
As oposicións.
O Imserso terá que agardar…

TRACK 3. BRILÉ
Todos somos estrelas
Perdidas no firmamento 
Que deixan no esquecemento
A quen non quere
Brilar.

TRACK 4. A COZ DE GALICIA
 NOTICIARIO DO S. XIV
Onte, contra a noitiña
Concedéuselle ao excelso
Martín Códax
Un doutorado en física
Polo seu estudo sobre as ondas
do mar
de Vigo.

TRACK 5. SOBRE O USO DE ESPECIES INVASORAS
Sementar sementarei
Loguiño de clarear
E tanto no pobo medre
Un eucalipto
Un piñeiro
Ou un xuncal.

TRACK 6. IN NOCTEM
De noite
Os poetas
Deixan repousar as verbas
No silencio do estrelado firmamento.
Descansar
É necesario para todos.

TRACK 7.TEMPUS FUGIT
Xuntaría verbas fermosas/
Espiría a miña alma/
Escribiría risos de grafito
e  bágoas de tinta/
Faría, pois, un bo poema.

Mais hoxe non.
É  tarde.

Esperarei a un día 
No que o tempo
Deixe respirar
O meu reloxo.

TRACK 2.OS EUCALIPTOS (Versión reducida)
Breogán!
Se puxeses o espertador
E acabases co teu sono
Perderiamos un himno
E gañariamos unha lingua.

AGRADECEMENTOS E FINAL

Queríalle agradecer 
Á autora destes poemas
Toda a axuda que supuxo 
Para a composición dos mesmos. 
E a vós, grazas tamén
Por lelos ata o final
Aínda que os adquirísedes ilegalmente.
(Hai que ser legais!).

REPETIR DENDE O COMEZO // SAÍR //CONSEGUIR A VERSIÓN PREMIUM //


Comentarios

Publicar un comentario

Publicacións populares deste blog

Follas virtuais (das notas do caderno dixital, 1)

Estas follas virtuais están permanentemente manchadas polas verbas que escribo e borro, unha e outra vez. Malia que a simple vista non se vexa, este teléfono ten memoria de todo o que nesta páxina se escribiu antes de mostrar o texto definitivo:  todos os fonemas que conxuguei en van e todas as ideas que desbotei e que levarían este texto de seguro por outros camiños. Pensándoo ben, este dispositivo tivo nalgún punto acceso a esa información e é capaz de ver a tempo real todos os meus erros, as miñas dúbidas, o que considero que é válido e o que non. Recorda iso? Coñéceme? Sabe da tristeza que plasmo ás veces, das miñas frustracións que dou en repetir unha e outra vez en todo o que escribo? Sabe do meu entusiasmo pasaxeiro, das cousas que me dán ledicia e que me empuxan a querer seguir a esforzarme? Sabe do amor que sinto con tanta intensidade? Dalgún xeito, é certo: estou forzando estas páxinas a recordar. Recordar todo o que son, todos os proxectos que, inda sendo desbotados, com...
Ler máis

A vitoria de Atlas

nun intre, a miña vida cambiou.  Erguinme por fin dun letargo que se alongou moito máis do debido, e pisei o chan inda húmido polas bágoas que caeran durante tantos anos dos meus ollos.  Camiñei, e o meu corpo sentiuse lixeiro ao liberarse do mundo que cargaba ás costas. Ao esvarar de volta co verdín das pedras, decateime de que os meus movementos, torpes e desincronizados, seguían a ser os mesmos que deixara atrás pola aceptación dunha eterna derrota. Pouco podía entender agora como chegara a pensar iso; como se me podía ter metido no maxín que a miña existencia estaba inherentemente unida ao fracaso de quen nunca o ía intentar.  ... Deixei inconcluso este texto tempo atrás, mais figúraseme agora que é unha boa maneira de que o faiado deixe ver as súas novas memorias, que tanto tempo estivo a gardar.  (eeeeh si,benvidxs de volta!).
Ler máis

Un xoves na habitación...

Fico soa nesta noite escura que arrodea a miña pequena habitación. É nestes momentos cando me imaxino camiñando polas estreitas rúas de Compostela nesa hora na que moitos peregrinos xa se foron buscando as estafas dalgún hotel. Maxino, pois, esa pedra antiga aloumiñando a palma da miña man, mentres algún dos compañeiros dos que me vexo acompañada contan incríbeis historias que rematan cunha acompasada gargallada que alumea máis que as farolas que se atopan en Mazarelos (pequena pausa para deixar un comentario:mimadriña canta oración subordinada). Nesa agradable imaxe consigo seguir ben esperta nesta noite escura que arrodea a miña habitación. Mais fico soa e o sono acaba por gañar aos meus desexos de ir saudar a luz do luar nesta descoñecida cidade. Algún día (penso) conseguirei unha vitoria. Mais polo de agora hei seguir a procurar eses risos de lúa chea neste vello faiado... (ehhhhh, si?)
Ler máis